తొలి కిరణం.ప్రతినిధి: కొంకలి మధుసూదన్:
నాగర్‌కర్నూల్ జిల్లా పాలెం శ్రీ అలర్మెల్ మంగ సమేత వేంకటేశ్వర స్వామి దేవస్థానాన్ని శనివారం తెలంగాణ రాష్ట్ర దేవాదాయ శాఖ కమిషనర్ శ్రీ ఎం. హనుమంతరావు, ఎమ్మెల్సీ శ్రీ కూచుకుళ్ల దామోదర్ రెడ్డి సందర్శించారు. ఈ సందర్భంగా ఆలయ కార్యనిర్వహణాధికారి జనుంపల్లి జయపాల్ రెడ్డి ఆలయ మర్యాదలతో పూర్ణకుంభ స్వాగతం పలికి వారిని దేవాలయంలోకి ఆహ్వానించారు. అనంతరం స్వామివారి సన్నిధిలో ప్రత్యేక పూజలు నిర్వహించారు. ఆలయ అర్చకులు స్వామివారి శేషవస్త్రాలు బహుకరించి వేదాశీర్వచనం అందించారు.అనంతరం దేవాదాయ శాఖ కమిషనర్ ఆలయానికి సంబంధించిన భూములు, ఆదాయ వనరులు, అర్చకులు, సిబ్బంది సమస్యలు, ఆలయ పునర్నిర్మాణానికి సంబంధించిన అంశాలపై ఈఓను వివరాలు అడిగి తెలుసుకున్నారు. దేవాదాయ శాఖ స్థపతి, ఎగ్జిక్యూటివ్ ఇంజనీర్‌తో సంప్రదించి త్వరలో ఆలయానికి మాస్టర్ ప్లాన్ రూపొందించేందుకు చర్యలు చేపట్టాలని ఈఓను ఆదేశించారు. అలాగే పాలెం వెంకన్న స్వామి ఆలయ పునర్నిర్మాణంపై త్వరలో రాష్ట్రస్థాయిలో స్థానిక ఎమ్మెల్యేతో కలిసి ఇంజనీరింగ్, స్థపతి, సంబంధిత అధికారులతో ప్రత్యేక సమావేశం ఏర్పాటు చేయనున్నట్లు తెలిపారు.
ఈ కార్యక్రమంలో మహబూబ్‌నగర్ జిల్లా దేవాదాయ శాఖ సహాయ కమిషనర్ జి. శ్రీనివాసరాజు, స్థపతి వళ్లినాయగం, దేవాదాయ శాఖ ఎగ్జిక్యూటివ్ ఇంజనీర్ దుర్గాప్రసాద్, స్థానిక సర్పంచ్ బి. రామకృష్ణ, ఉప సర్పంచ్ శ్రీనివాసులు, కాంగ్రెస్ పార్టీ నాయకులు గోవిందు శేఖర్ , రామకృష్ణ, దశరథం, కురుమయ్య, నాగయ్యతో పాటు ఆలయ పూజారులు, గ్రామస్తులు, భక్తులు, తదితరులు పాల్గొన్నారు.
కథనానికి సంబంధించిన ట్యాగ్‌లు (Tags):
