తెలకపల్లి: ప్రధానమంత్రి నరేంద్ర మోదీ ప్రజా జీవితంలో 25 సంవత్సరాల సేవను పురస్కరించుకుని నిర్వహిస్తున్న సేవా సంకల్ప అభియాన్‌లో భాగంగా తెలకపల్లి మండలంలోని పలు పాఠశాలల్లో విద్యార్థులకు ‘వికసిత్ భారత్’ అంశంపై చిత్రలేఖనం, ఉపన్యాస పోటీలు నిర్వహించారు.
దేశాన్ని అభివృద్ధి చెందిన భారతంగా తీర్చిదిద్దడంలో యువత, విద్యార్థుల పాత్రపై అవగాహన కల్పించడం, దేశ ప్రగతి, అభివృద్ధి, భవిష్యత్తుపై విద్యార్థుల్లో ఆలోచనా దృక్పథాన్ని పెంపొందించడం, వారి సృజనాత్మకత, వక్తృత్వ నైపుణ్యాలను వెలికితీయడం ఈ పోటీల ప్రధాన ఉద్దేశమని నిర్వాహకులు తెలిపారు.
విద్యార్థులు ‘వికసిత్ భారత్’పై తమ ఆలోచనలను చిత్రాలు, ప్రసంగాల రూపంలో వ్యక్తం చేస్తూ ఉత్సాహంగా పాల్గొన్నారు. పోటీల్లో ప్రతిభ కనబరిచిన విద్యార్థులకు ప్రోత్సాహక బహుమతులు అందజేశారు.
ఈ కార్యక్రమంలో బీజేపీ మండల అధ్యక్షుడు మందా చిన్నారెడ్డి, కిసాన్ మోర్చా నాయకుడు రమణారెడ్డి, పీజియన్ మండల అధ్యక్షుడు సూర్య భాస్కర్ గౌడ్, ప్రధాన కార్యదర్శి రాజు, మధుసూదన్ గౌడ్, రమేష్ తదితరులు పాల్గొన్నారు.
కథనానికి సంబంధించిన ట్యాగ్‌లు (Tags):