తెల్కపల్లి, సెప్టెంబర్ 28: తెల్కపల్లి PACS కార్యాలయంలో విత్తనోత్పత్తి, నాణ్యమైన విత్తనాల తయారీపై రైతులకు అవగాహన కార్యక్రమం నిర్వహించారు. PACS చైర్మన్ శ్రీ భాస్కర్ రెడ్డి అధ్యక్షతన జరిగిన ఈ కార్యక్రమానికి కేవీకే–పాలెం సీనియర్ శాస్త్రవేత్త, పరిశోధన కేంద్రం అధిపతి డా. శైలా సాంకేతిక బృందంతో కలిసి హాజరై రైతులకు పలు అంశాలపై అవగాహన కల్పించారు.
నాణ్యమైన విత్తనాల ఎంపిక, విత్తన శుద్ధి, పంటల పరిశీలన, విత్తనోత్పత్తిలో పాటించాల్సిన శాస్త్రీయ పద్ధతులు, విత్తనాల నిల్వ, నాణ్యత ప్రమాణాలపై శాస్త్రవేత్తలు రైతులకు వివరించారు. శాస్త్రీయ పద్ధతుల్లో విత్తనోత్పత్తి చేపట్టడం ద్వారా నాణ్యమైన విత్తనాలను ఉత్పత్తి చేయడంతో పాటు రైతులు అదనపు ఆదాయం పొందవచ్చని సూచించారు.
ఈ సందర్భంగా రైతులు విత్తనోత్పత్తిలో ఎదుర్కొంటున్న సమస్యలు, సందేహాలను శాస్త్రవేత్తల దృష్టికి తీసుకెళ్లగా, వారు తగిన సూచనలు అందించారు. నాణ్యమైన విత్తనాల ఉత్పత్తి, నిల్వలో రైతులు జాగ్రత్తలు పాటించాలని సూచించారు.
ఈ కార్యక్రమంలో PACS కార్యవర్గ సభ్యులు, సీఈఓ ధర్మవీర్, మండల వ్యవసాయ అధికారి నర్మద, FPO డొమైన్ ఎక్స్‌పర్ట్ సృజన్, FPO ప్రతినిధులు, రైతులు పాల్గొన్నారు. రైతుల అభివృద్ధి, ఆధునిక సాంకేతిక పరిజ్ఞానాన్ని ప్రోత్సహించేందుకు కేవీకే–పాలెం, PACS తెల్కపల్లి సమన్వయంతో మరిన్ని శిక్షణ కార్యక్రమాలు నిర్వహించాలని నిర్ణయించారు.
కథనానికి సంబంధించిన ట్యాగ్‌లు (Tags):