జ్ఞాన సమాజ నిర్మాణమే లక్ష్యం: స్వేరోస్ నెట్‌వర్క్బోడ వెంకటేష్ ఆధ్వర్యంలో జిల్లా కమిటీ నియామకం

నూతన కమిటీ అధ్యక్షులుగా బండమీది కృష్ణయ్య, ప్రధాన కార్యదర్శిగా ఎల్లపోగు చింటూ నియమితులయ్యారు. ఈ సందర్భంగా వారు మాట్లాడుతూ జ్ఞాన సమాజ నిర్మాణమే స్వేరోస్ నెట్‌వర్క్ ప్రధాన ధ్యేయమని, అక్షరం–ఆరోగ్యం–ఆర్థికం–ఆత్మగౌరవం అనే లక్ష్యాలతో కమిటీ పనిచేస్తుందని తెలిపారు. ప్రతి ఒక్కరూ ఉన్నత విద్యను అభ్యసిస్తూ ఉన్నత ఆలోచనలు కలిగి ఉండాలని, ఆరోగ్యంపై ప్రత్యేక శ్రద్ధ వహించాలని సూచించారు.

డా. ఆర్.ఎస్. ప్రవీణ్ కుమార్ బాటలో పయనిస్తూ జ్ఞాన సమాజ నిర్మాణంలో ప్రతి ఒక్కరూ భాగస్వాములు కావాలని పిలుపునిచ్చారు. జ్యోతిరావు పూలే, డా. బి.ఆర్. అంబేద్కర్, సావిత్రిబాయి పూలే, కాన్షీరాం ఆశయాలను ఆదర్శంగా తీసుకుని పనిచేయాలని, మహిళల ఆశయాల సాధనకు కృషి చేయాలని సూచించారు.

నూతన కమిటీ ఉపాధ్యక్షులుగా మొబ్బు రాము, భారీగారి పరమేశ్వర్, జాయింట్ సెక్రటరీగా దర్శనం సురేష్, గౌరవ సలహాదారుగా ఎల్లపోగు విష్ణువర్ధన్, కార్యవర్గ సభ్యులుగా అంతటి పర్వతాలు, బొంత శంకర్ నియమితులయ్యారు.

ఈ సమావేశంలో రాకేష్, శంకర్ తదితరులు పాల్గొన్నారు. జిల్లాలో విద్య, ఆరోగ్యం, ఆర్థిక అభివృద్ధి, సామాజిక చైతన్య కార్యక్రమాలను విస్తృతంగా చేపట్టాలని నూతన కమిటీ నిర్ణయించింది.