వినాయక నిమజ్జనంలో విషాదం.. ఆరుగురు బాలుర దుర్మరణం

స్థానికుల కథనం ప్రకారం.. పెద్ద కంజర్ల గ్రామంలోని నేరేడు చెరువులో వినాయక విగ్రహ నిమజ్జనం చేసేందుకు కొందరు బాలురు వెళ్లారు. నిమజ్జనం చేస్తున్న సమయంలో ప్రమాదవశాత్తూ లోతైన నీటిలోకి జారిపోయారు. ఈత రాకపోవడంతో నీటిలో మునిగి ఆరుగురు బాలురు మృతి చెందినట్లు తెలుస్తోంది.

మృతిచెందిన బాలురంతా స్థానికంగా ఉన్న ‘శిరీష చారిటబుల్ ట్రస్ట్’లో ఉంటూ చదువుకుంటున్న విద్యార్థులుగా గుర్తించినట్లు సమాచారం. ఒకేసారి ఆరుగురు చిన్నారులు మృత్యువాత పడటంతో పెద్ద కంజర్ల గ్రామంలో తీవ్ర విషాదం అలుముకుంది. చిన్నారుల మృతితో వారి కుటుంబాల్లో విషాదం నెలకొంది.

సమాచారం అందుకున్న పోలీసులు ఘటనాస్థలానికి చేరుకుని సహాయక చర్యలు చేపట్టి, ఘటనకు సంబంధించిన వివరాలను సేకరిస్తున్నారు. మృతుల పూర్తి వివరాలు, ప్రమాదానికి గల కారణాలపై అధికారిక సమాచారం రావాల్సి ఉంది.