నంది వడ్డేమాన్‌లో ఇంటింటికీ కాంగ్రెస్ బాకీ కార్డు పంపిణీ

కాంగ్రెస్ ప్రభుత్వం వెయ్యి రోజుల పాలనలో తెలంగాణ ప్రజలకు చేసిందేమీ లేదని టీఆర్‌ఎస్ నాయకులు ఆరోపించారు. ఎన్నికల సమయంలో మేనిఫెస్టోలో ప్రకటించిన హామీలను 100 రోజుల్లో అమలు చేస్తామని చెప్పి అధికారంలోకి వచ్చిన కాంగ్రెస్ ప్రభుత్వం వాటిని నెరవేర్చడంలో విఫలమైందని విమర్శించారు.

నాగర్‌కర్నూల్ జిల్లా బిజినపల్లి మండలం నంది వడ్డేమాన్ గ్రామంలో బుధవారం టీఆర్‌ఎస్ ఆధ్వర్యంలో ఇంటింటికీ ‘కాంగ్రెస్ బాకీ కార్డు’ పంపిణీ కార్యక్రమం నిర్వహించారు. ఈ సందర్భంగా మహిళలకు నెలకు రూ.2,500, రూ.500కే గ్యాస్ సిలిండర్, ఆసరా పింఛన్లను రూ.4,000కు పెంపు, ఫీజు రీయింబర్స్‌మెంట్, 100 యూనిట్ల ఉచిత విద్యుత్ తదితర హామీలను కాంగ్రెస్ ప్రభుత్వం అమలు చేయలేదని నాయకులు పేర్కొన్నారు.

ఎన్నికల సమయంలో ప్రజలకు ఇచ్చిన హామీలను గుర్తు చేస్తూ ఇంటింటికీ ‘కాంగ్రెస్ బాకీ కార్డు’లను పంపిణీ చేసినట్లు తెలిపారు. ప్రజలకు ఇచ్చిన హామీలను వెంటనే అమలు చేయాలని డిమాండ్ చేశారు.

ఈ కార్యక్రమంలో నంది వడ్డేమాన్ టీఆర్‌ఎస్ పార్టీ అధ్యక్షుడు బంగారయ్య, సీనియర్ నాయకులు వాసిరెడ్డి, బాలరాజు, రీగన్, సుదర్శన్, బీఎల్‌ఓలు లోకేష్, శ్రీను తదితరులు పాల్గొన్నారు.