గిన్నిస్ రికార్డు గ్రహీతకు ఘన సన్మానం

ఈ సందర్భంగా పూర్వ విద్యార్థులు మాట్లాడుతూ.. సుబ్బయ్యపాలెం గ్రామానికి చెందిన తెప్ప శ్రీనివాస్ చిన్ననాటి నుంచే మార్షల్ ఆర్ట్స్‌పై ఆసక్తి పెంచుకుని నిరంతర సాధనతో అనేక విజయాలు సాధించారని కొనియాడారు. ఎన్నో సంవత్సరాలుగా విద్యార్థులకు మార్షల్ ఆర్ట్స్‌లో శిక్షణ అందిస్తూ జాతీయ, అంతర్జాతీయ స్థాయిలో తన ప్రతిభను చాటుకున్నారని తెలిపారు. గిన్నిస్ వరల్డ్ రికార్డు సాధించడం తమ పూర్వ విద్యార్థి, బాల్య మిత్రుడిగా తమకు ఎంతో గర్వకారణమని పేర్కొన్నారు.

తెప్ప శ్రీనివాస్ కేవలం క్రీడా రంగంలోనే కాకుండా సమాజ సేవలోనూ తనదైన ముద్ర వేసుకున్నారని మిత్రులు గుర్తు చేశారు. పేదలు, వృద్ధులు, వికలాంగులు, విద్యార్థులకు తనవంతు సహాయ సహకారాలు అందిస్తూ అండగా నిలుస్తున్నారని తెలిపారు. కరోనా సమయంలో సేవా ఫౌండేషన్, లయన్స్ క్లబ్ ద్వారా అనేక ప్రాంతాల్లో నిరుపేదలకు భోజన సదుపాయాలు కల్పించడంతో పాటు వృద్ధులకు వస్త్రాలు, ఇతర సహాయాలను అందించి మానవతా దృక్పథాన్ని చాటుకున్నారని అన్నారు.

ఈ సందర్భంగా లయన్ డాక్టర్ తెప్ప శ్రీనివాస్ మాట్లాడుతూ.. “నిరుపేదల కోసమే నా జీవితం అంకితం” అని అన్నారు. తన బాల్య మిత్రులు, పూర్వ విద్యార్థులు తన విజయాలను గుర్తించి ఆత్మీయంగా సన్మానించడం జీవితంలో మరచిపోలేని అనుభూతి అని పేర్కొన్నారు. తనపై ప్రేమాభిమానాలు చూపించిన బాల్య మిత్రులు, గ్రామ పెద్దలు, ప్రజలకు కృతజ్ఞతలు తెలిపారు.

ఈ కార్యక్రమంలో వెంకట్‌రెడ్డి, చంద్రశేఖర్, సుల్తాన్, కాశన్న, బాలరాజ్, శ్రీనివాస్, వినోద్‌గౌడ్, శ్రీనివాసరెడ్డి, నాగన్‌గౌడ్, పద్మారావు, కురుమయ్య, చంద్రకళ, పద్మ, శోభ, సుధామణి, లక్ష్మీ, భాగ్య, జమీరా బేగం, పాలెం గ్రామ ప్రజలు, పెద్దలు, స్టార్ నేతాజీ యువజన సంఘం సభ్యులు తదితరులు పాల్గొన్నారు.