చిన్నారుల సందడితో మార్మోగిన గౌరెడ్డిపల్లి అంగన్వాడీ

వేడుకల్లో భాగంగా చిన్నారులు, వారి తల్లిదండ్రులు ఉత్సాహంగా పాల్గొన్నారు. శ్రీకృష్ణుని విగ్రహానికి ప్రత్యేక పూజలు నిర్వహించి భక్తిశ్రద్ధలతో ప్రార్థనలు చేశారు. అనంతరం చిన్నారులకు శ్రీకృష్ణాష్టమి విశిష్టతతో పాటు శ్రీకృష్ణుడి బాల్య లీలలను అంగన్వాడీ టీచర్ జ్యోతి వివరించారు.

చిన్నారులకు స్వీట్లు పంపిణీ చేసి శ్రీకృష్ణాష్టమి శుభాకాంక్షలు తెలియజేశారు. చిన్నారులు ఉత్సాహంగా వేడుకల్లో పాల్గొనడంతో అంగన్వాడీ కేంద్రంలో పండుగ వాతావరణం నెలకొంది.

చిన్నారుల్లో మన సంస్కృతి, సంప్రదాయాలు, పండుగల పట్ల అవగాహన పెంపొందించడమే లక్ష్యంగా ఇలాంటి కార్యక్రమాలు నిర్వహిస్తున్నట్లు అంగన్వాడీ టీచర్ జ్యోతి తెలిపారు. కార్యక్రమం విజయవంతం కావడానికి తల్లిదండ్రులు, అంగన్వాడీ సిబ్బంది సహకరించారు.

ఈ కార్యక్రమంలో అంగన్వాడీ టీచర్ జ్యోతి, ఆయా, చిన్నారులు, వారి తల్లులు, తల్లిదండ్రులు పాల్గొన్నారు.