నందికంటి శ్రీధర్‌ జన్మదిన వేడుకలు ఘనంగా

వెంకటాపురం డివిజన్‌ బీఆర్‌ఎస్‌ సీనియర్‌ నాయకులు నిడమనూరి శ్రీనివాసులు ఆధ్వర్యంలో నిర్వహించిన ఈ వేడుకల్లో అల్వాల్‌ డివిజన్‌ మాజీ కార్పొరేటర్‌ శాంతి శ్రీనివాస్‌ రెడ్డి ముఖ్య అతిథిగా హాజరయ్యారు. బీఆర్‌ఎస్‌ నాయకులు, కార్యకర్తల సమక్షంలో కేక్‌ కట్‌ చేసి నందికంటి శ్రీధర్‌కు జన్మదిన శుభాకాంక్షలు తెలిపారు.

జన్మదిన వేడుకల సందర్భంగా ఇందిరానగర్‌ లేబర్‌ అడ్డా నుంచి వెంకటాపురం పీజేఆర్‌ కూడలి వరకు బీఆర్‌ఎస్‌ శ్రేణులు భారీ ర్యాలీ నిర్వహించారు. పార్టీ నాయకులు, కార్యకర్తలు పెద్ద సంఖ్యలో పాల్గొని నందికంటి శ్రీధర్‌కు శుభాకాంక్షలు తెలిపారు.

ఈ సందర్భంగా నాయకులు మాట్లాడుతూ.. నందికంటి శ్రీధర్‌ భవిష్యత్తులో మరిన్ని ఉన్నత పదవులు అధిరోహించాలని, ప్రజాసేవలో మరింత ముందుకు సాగాలని ఆకాంక్షించారు. ఆయన నిండు నూరేళ్లు ఆయురారోగ్యాలతో సుఖసంతోషాలతో జీవించాలని కోరుకున్నారు.

జన్మదిన వేడుకల అనంతరం ప్రజల కోసం భారీ ఎత్తున అన్నదాన కార్యక్రమాన్ని నిర్వహించారు. ఈ కార్యక్రమంలో స్థానికులు, బీఆర్‌ఎస్‌ నాయకులు, కార్యకర్తలు పెద్ద సంఖ్యలో పాల్గొన్నారు. వేడుకలు ఉత్సాహభరిత వాతావరణంలో ఘనంగా కొనసాగాయి.