నాగర్ కర్నూల్, ఆగస్టు 31: రాఖీ పౌర్ణమి పర్వదినాన్ని పురస్కరించుకుని నాగర్ కర్నూల్ జిల్లా కేంద్రంలోని బీఆర్‌ఎస్ పార్టీ జిల్లా కార్యాలయంలో మాజీ ఎమ్మెల్యే మర్రి జనార్దన్ రెడ్డిని లక్నారం గ్రామ సర్పంచ్ దుల్లా సువర్ణ బాలు మర్యాదపూర్వకంగా కలిశారు. ఈ సందర్భంగా మాజీ ఎమ్మెల్యేకు రాఖీ కట్టి, రాఖీ పౌర్ణమి శుభాకాంక్షలు తెలిపారు.
రాఖీ పండుగ సోదర–సోదరీమణుల మధ్య ఉన్న ఆత్మీయత, అనుబంధం, ప్రేమానురాగాలకు ప్రతీకగా నిలుస్తుందని సువర్ణ బాలు పేర్కొన్నారు. ప్రజా జీవితంలో తమకు అన్నగా అండగా నిలుస్తున్న మర్రి జనార్దన్ రెడ్డికి రాఖీ కట్టి, ఆయన ఆయురారోగ్యాలతో సంతోషంగా ఉండాలని ఆకాంక్షించారు.
ఈ సందర్భంగా మర్రి జనార్దన్ రెడ్డి మాట్లాడుతూ రాఖీ పౌర్ణమి సోదరభావానికి, పరస్పర విశ్వాసానికి ప్రతీక అని అన్నారు. సమాజంలో ప్రేమ, ఆప్యాయతలు, సోదరభావం మరింత పెంపొందాలని ఆకాంక్షించారు. లక్నారం గ్రామ సర్పంచ్ దుల్లా సువర్ణ బాలు రాఖీ కట్టి శుభాకాంక్షలు తెలిపినందుకు ధన్యవాదాలు తెలిపారు.
రాఖీ పౌర్ణమి సందర్భంగా చోటుచేసుకున్న ఈ ఆత్మీయ కలయిక పలువురిని ఆకట్టుకుంది. ప్రజా జీవితంలో పరస్పర గౌరవం, ఆత్మీయత, సోదరభావంతో కూడిన సంబంధాలు మరింత బలపడాలని ఈ సందర్భంగా పలువురు ఆకాంక్షించారు.
కథనానికి సంబంధించిన ట్యాగ్‌లు (Tags):