రాజీవ్ గృహ కల్ప, కౌకూర్‌లో ఘనంగా రాఖీ పండుగ

ఈ సందర్భంగా మల్లికార్జున్ మాట్లాడుతూ రాఖీ అనేది కేవలం ఒక దారం కాదని, అది జన్మజన్మల అనుబంధానికి ప్రతీక అని అన్నారు. రాజీవ్ గృహ కల్ప కాలనీతో తనకున్న అనుబంధం ఎన్నో సంవత్సరాల నాటిదని, ఇక్కడ ఉన్న ప్రతి ఒక్కరూ తన కుటుంబ సభ్యులేనని పేర్కొన్నారు. కష్టసుఖాల్లో గత ఎన్నో ఏళ్లుగా కాలనీ ప్రజలు తనకు అండగా నిలిచారని, రాఖీ ద్వారా తనపై వారు చూపించిన ప్రేమ, నమ్మకాన్ని ఎప్పటికీ మరువబోనని అన్నారు.

కాలనీ మహిళల రక్షణతో పాటు కాలనీ అభివృద్ధికి తన వంతు కృషి చేస్తానని మల్లికార్జున్ తెలిపారు. వారి సోదరుడిగా, బిడ్డగా ఎల్లప్పుడూ అందుబాటులో ఉంటానని హామీ ఇచ్చారు.

ఈ సందర్భంగా అక్కచెల్లెళ్లు మాట్లాడుతూ మల్లికార్జున్ తమకు కేవలం నాయకుడు మాత్రమే కాదని, తమ కుటుంబ సభ్యుడని అన్నారు. ఎప్పుడు ఏ అవసరం వచ్చినా అన్నలా ఆదుకుంటూ తమకు అండగా నిలుస్తారని తెలిపారు.

ఈ కార్యక్రమంలో రాజీవ్ గృహ కల్ప కాలనీ పెద్దలు, మహిళలు, యువకులు పెద్ద సంఖ్యలో పాల్గొని రాఖీ పండుగ వేడుకలను ఘనంగా నిర్వహించారు.