గిరిజనుల సంక్షేమానికి కాంగ్రెస్ ప్రభుత్వం కట్టుబడి ఉంది

శుక్రవారం పెద్దమందడి మండలం మంగంపల్లి గ్రామంలో నిర్వహించిన నియోజకవర్గస్థాయి గిరిజనుల ఆత్మీయ సమ్మేళనానికి ఎమ్మెల్యే ముఖ్యఅతిథిగా హాజరై గిరిజనులతో ఆత్మీయంగా మాట్లాడారు. వారి సమస్యలను అడిగి తెలుసుకోవడంతో పాటు ప్రభుత్వం చేపడుతున్న సంక్షేమ, అభివృద్ధి కార్యక్రమాలను వివరించారు.

నియోజకవర్గంలోని ప్రతి తండాలో ఇల్లు లేని గిరిజన కుటుంబాలను గుర్తించి అర్హత ఉన్న ప్రతి కుటుంబానికి ఇందిరమ్మ ఇల్లు మంజూరు చేసేలా చర్యలు నియోజకవర్గంలోని ప్రతి తండాకు మెరుగైన రహదారి సౌకర్యం కల్పించడమే తన లక్ష్యమని ఎమ్మెల్యే అన్నారు. తండాల నుంచి మండల, నియోజకవర్గ కేంద్రాలకు రాకపోకలు సులభతరం అయ్యేలా రోడ్ల అభివృద్ధికి ప్రాధాన్యత ఇస్తామని తెలిపారు. ఎస్టీ సబ్‌ప్లాన్ నిధులను సమర్థవంతంగా వినియోగించి గిరిజన గ్రామపంచాయతీలను అభివృద్ధి చేస్తామని పేర్కొన్నారు. తీసుకుంటామని ఎమ్మెల్యే స్పష్టం చేశారు. అర్హత ఉన్న ఏ ఒక్క పేద కుటుంబం కూడా సొంత ఇంటికి దూరం కాకుండా ప్రభుత్వం కృషి చేస్తుందని తెలిపారు.

వనపర్తి నియోజకవర్గ పరిధిలోని 32 తండా గ్రామపంచాయతీల్లో సేవాలాల్ మహారాజ్ ఆలయాల నిర్మాణానికి చర్యలు తీసుకుంటామని మేఘారెడ్డి తెలిపారు. గిరిజనుల ఆధ్యాత్మిక, సాంస్కృతిక వారసత్వాన్ని గౌరవిస్తూ సేవాలాల్ మహారాజ్ ఆలయాలను నిర్మిస్తామని అన్నారు. ఖిల్లా ఘణపురం మండల కేంద్రంలో సేవాలాల్ మహారాజ్ విగ్రహాన్ని ఏర్పాటు చేస్తామని హామీ ఇచ్చారు.

నియోజకవర్గంలోని ప్రతి తండాకు మెరుగైన రహదారి సౌకర్యం కల్పించడమే తన లక్ష్యమని ఎమ్మెల్యే అన్నారు. తండాల నుంచి మండల, నియోజకవర్గ కేంద్రాలకు రాకపోకలు సులభతరం అయ్యేలా రోడ్ల అభివృద్ధికి ప్రాధాన్యత ఇస్తామని తెలిపారు. ఎస్టీ సబ్‌ప్లాన్ నిధులను సమర్థవంతంగా వినియోగించి గిరిజన గ్రామపంచాయతీలను అభివృద్ధి చేస్తామని పేర్కొన్నారు.

తండాల్లో రహదారులు, తాగునీరు, విద్య, వైద్యం వంటి మౌలిక వసతులకు ప్రాధాన్యత ఇస్తామని తెలిపారు. గిరిజన రైతులు సాగునీటి సమస్యతో ఇబ్బందులు పడకుండా అన్ని తండాలకు సాగునీరు అందేలా చర్యలు తీసుకుంటామని చెప్పారు. రైతుల భూములకు నీరు అందితేనే గిరిజన కుటుంబాల ఆర్థిక పరిస్థితి మెరుగుపడుతుందని అన్నారు.

కర్నే తండా లిఫ్ట్ ఇరిగేషన్ ప్రాజెక్టుకు **“శ్రీశ్రీశ్రీ సంత్ సేవాలాల్ ప్రాజెక్ట్”**గా నామకరణం చేయిస్తున్నట్లు ఎమ్మెల్యే తూడి మేఘారెడ్డి వెల్లడించారు.

పోడు భూముల సమస్య పరిష్కారానికి కృషి

గిరిజనుల పోడు భూముల సమస్యపై ప్రభుత్వం సానుకూల నిర్ణయం తీసుకునేలా కృషి చేస్తామని ఎమ్మెల్యే తెలిపారు. గిరిజన రైతుల భూములకు సంబంధించిన సమస్యలను పరిష్కరించేందుకు అవసరమైన చర్యలు తీసుకుంటామని అన్నారు.

గిరిజనులు వైద్యం కోసం దూర ప్రాంతాలకు వెళ్లాల్సిన అవసరం లేకుండా ప్రతి తండాకు ఆరోగ్య సేవలు అందుబాటులో ఉండేలా చర్యలు తీసుకుంటామని మేఘారెడ్డి తెలిపారు. అవసరమైన ప్రాంతాల్లో హెల్త్ సెంటర్ల ఏర్పాటుకు కృషి చేస్తామని, గిరిజనుల ఆరోగ్య పరిరక్షణకు ప్రభుత్వం అత్యంత ప్రాధాన్యత ఇస్తుందని అన్నారు.

గ్రామాల అభివృద్ధికి పనిచేసిన పాత, కొత్త సర్పంచుల పెండింగ్ బిల్లులను చెల్లించేలా చర్యలు తీసుకుంటామని ఎమ్మెల్యే హామీ ఇచ్చారు. గ్రామాల అభివృద్ధి కోసం పనిచేసిన ప్రజాప్రతినిధులకు న్యాయం చేయడం ప్రభుత్వ బాధ్యత అని పేర్కొన్నారు.

వనపర్తి నియోజకవర్గంలో ఇప్పటివరకు రూ.2,000 కోట్లకు పైగా విలువైన అభివృద్ధి పనులు చేపట్టినట్లు ఎమ్మెల్యే తెలిపారు. రోడ్లు, విద్య, వైద్యం, సాగునీరు, తాగునీరు, మౌలిక వసతులు, గ్రామీణాభివృద్ధి తదితర రంగాల్లో పెద్దఎత్తున పనులు కొనసాగుతున్నాయని చెప్పారు.

వనపర్తి నియోజకవర్గ అభివృద్ధి కోసం 24 గంటలు పనిచేయడానికి సిద్ధంగా ఉన్నానని మేఘారెడ్డి అన్నారు. పదవిని ప్రజలకు సేవ చేసే అవకాశంగా భావిస్తున్నానని, నియోజకవర్గంలోని ప్రతి గ్రామం, ప్రతి తండా అభివృద్ధి చెందే వరకు విశ్రమించబోనని స్పష్టం చేశారు.

గిరిజనుల సమస్యలను తన సమస్యలుగా భావించి పరిష్కారం కోసం నిరంతరం కృషి చేస్తానని తెలిపారు. తండాల అభివృద్ధిలో ఎక్కడా వివక్ష లేకుండా అర్హత ఉన్న ప్రతి కుటుంబానికి ప్రభుత్వ సంక్షేమ ఫలాలు అందేలా చర్యలు తీసుకుంటామని అన్నారు.

“ప్రతి తండా అభివృద్ధి చెందాలి.. ప్రతి గిరిజన కుటుంబం ఆత్మగౌరవంతో జీవించాలి.. ప్రతి పేద కుటుంబానికి సొంత ఇల్లు ఉండాలి.. ప్రతి రైతు భూమికి సాగునీరు అందాలి.. ఇదే కాంగ్రెస్ ప్రభుత్వ లక్ష్యం.. ఇదే నా సంకల్పం” అని ఎమ్మెల్యే తూడి మేఘారెడ్డి పేర్కొన్నారు.

ఈ కార్యక్రమంలో మంగంపల్లి సర్పంచ్ రమేష్, జిల్లా ఎస్టీ సెల్ అధ్యక్షులు వాల్యానాయక్, దిశా కమిటీ సభ్యులు రవి నాయక్, జిల్లా కాంగ్రెస్ పార్టీ మహిళా సమాఖ్య అధ్యక్షురాలు విజయలక్ష్మి, మాజీ సర్పంచ్ రాధాకృష్ణ, అనకాపల్లి సర్పంచ్ ఆంజనేయులు నాయక్, కోతులకుంట తండా సర్పంచ్ పాండు నాయక్, వనపర్తి మాజీ ఎంపీపీ శంకర్ నాయక్, ఎంపీటీసీ నాగరాజు నాయక్ తదితరులతో పాటు పలు గ్రామాల సర్పంచులు, కాంగ్రెస్ నాయకులు, కార్యకర్తలు, గిరిజన పెద్దలు, యువత, మహిళలు పెద్ద సంఖ్యలో పాల్గొన్నారు.