నాగర్‌కర్నూల్: నాగర్‌కర్నూల్ ప్రభుత్వ ఆసుపత్రిని తెలంగాణ బీజేపీ రాష్ట్ర కార్యదర్శి పోతుగంటి భరత్ ప్రసాద్ సందర్శించారు. ఈ సందర్భంగా ఆసుపత్రిలో అందుతున్న వైద్య సేవలను స్వయంగా పరిశీలించారు. వైద్యులు, వైద్య విద్యార్థులు, రోగులతో మాట్లాడి ఆసుపత్రిలోని పరిస్థితులను అడిగి తెలుసుకున్నారు.
వైద్య విద్యార్థులకు అందుతున్న శిక్షణ, వారి విధుల నిర్వహణపై వివరాలను తెలుసుకున్న భరత్ ప్రసాద్, ఆసుపత్రిలో చికిత్స పొందుతున్న రోగులను పరామర్శించారు. వారి ఆరోగ్య పరిస్థితి, ఎదుర్కొంటున్న సమస్యలను అడిగి తెలుసుకున్నారు.
ప్రతి రోగికి మెరుగైన వైద్యం, అవసరమైన శ్రద్ధతో కూడిన చికిత్స అందించాలని వైద్యులకు సూచించారు. వైద్య సేవల్లో ఎలాంటి నిర్లక్ష్యానికి తావులేకుండా బాధ్యతాయుతంగా విధులు నిర్వహించాలని భరత్ ప్రసాద్ పేర్కొన్నారు.
ప్రభుత్వ ఆసుపత్రులకు వచ్చే ప్రతి ఒక్కరికీ నాణ్యమైన వైద్యం, మెరుగైన సౌకర్యాలు అందేలా నిరంతరం కృషి చేయాలని ఆయన ఆకాంక్షించారు.
కథనానికి సంబంధించిన ట్యాగ్‌లు (Tags):
