చిట్వేల్, ఆగస్టు 20 (తొలి కిరణం): తిరుపతి జిల్లా చిట్వేల్ మండల కేంద్రంలోని శ్రీ శ్రీ మద్విరాట్ పోతులూరి వీరబ్రహ్మేంద్రస్వామి ఆలయంలో ద్వితీయ ఆరాధన వార్షికోత్సవ వేడుకలను శుక్రవారం, ఆగస్టు 21న భక్తిశ్రద్ధలతో ఘనంగా నిర్వహించనున్నట్లు ఆలయ ధర్మకర్త కట్టా రామ్మోహన్ నాయుడు తెలిపారు.
ఈ ఏడాది స్వామివారి ద్వితీయ ఆరాధన వార్షికోత్సవం వరలక్ష్మీ వ్రతం రోజున రావడం భక్తులకు ఎంతో ఆనందంగా ఉందన్నారు. ఈ సందర్భంగా చిట్వేల్ మండలంలోని అన్ని గ్రామాల నుంచి భక్తులు పెద్ద సంఖ్యలో పాల్గొని వేడుకలను విజయవంతం చేయాలని కోరారు.
వార్షికోత్సవంలో భాగంగా ఉదయం 7 గంటలకు గణపతి పూజ, గోమాత పూజ నిర్వహించిన అనంతరం రుద్రాభిషేకం నిర్వహించనున్నట్లు తెలిపారు. సాయంత్రం 4:30 గంటలకు స్వామివారి గ్రామోత్సవం ప్రారంభమై, భక్తుల సమక్షంలో ఘనంగా ఊరేగింపు నిర్వహించనున్నట్లు పేర్కొన్నారు.
అనంతరం సాయంత్రం 7:30 గంటలకు ప్రత్యేక కార్యక్రమాలు నిర్వహించనున్నట్లు తెలిపారు. ఈ పవిత్రమైన వార్షికోత్సవ వేడుకల్లో ప్రతి ఒక్కరూ కుటుంబ సమేతంగా పాల్గొని స్వామివారి ఆశీస్సులు పొందాలని ఆలయ ధర్మకర్త కట్టా రామ్మోహన్ నాయుడు కోరారు.
భక్తులందరూ అధిక సంఖ్యలో పాల్గొని వార్షికోత్సవాన్ని విజయవంతం చేయాలని ఆలయ నిర్వాహకులు విజ్ఞప్తి చేశారు.
కథనానికి సంబంధించిన ట్యాగ్‌లు (Tags):