హలో విద్యార్థి.. చలో హన్మకొండ!ఏఐఎస్ఎఫ్ 90వ వార్షికోత్సవ ముగింపు వేడుకలను విజయవంతం చేయాలి

ఈ సందర్భంగా ప్రేమ్‌కుమార్ మాట్లాడుతూ ఈ నెల 28, 29, 30 తేదీల్లో హనుమకొండలో నిర్వహించనున్న ఏఐఎస్ఎఫ్ 90వ వార్షికోత్సవ ముగింపు వేడుకలకు విద్యార్థులు, యువత పెద్ద సంఖ్యలో తరలివచ్చి విజయవంతం చేయాలని పిలుపునిచ్చారు. ఫెలోషిప్‌లు, స్కాలర్‌షిప్‌లు, ఫీజు రీయింబర్స్‌మెంట్ బకాయిలను వెంటనే విడుదల చేయాలని డిమాండ్ చేశారు. ప్రభుత్వ విద్యాసంస్థల్లో ఖాళీగా ఉన్న ఉపాధ్యాయులు, అధ్యాపకులు, లెక్చరర్ పోస్టులను భర్తీ చేసి మౌలిక వసతులు కల్పించాలని కోరారు.

హాస్టళ్లలో నాణ్యమైన భోజనం, తాగునీరు, మరుగుదొడ్లు, పడకలు, పుస్తకాలు వంటి సౌకర్యాలు కల్పించాలని, మహిళా విద్యార్థుల భద్రతకు పటిష్టమైన రక్షణ వ్యవస్థ ఏర్పాటు చేయాలని అన్నారు. విద్య వ్యాపారంగా మారకుండా అధిక ఫీజులు, అనవసర పుస్తకాలు–యూనిఫాంల భారం, సర్టిఫికెట్ల నిలిపివేత వంటి సమస్యలకు అడ్డుకట్ట వేయాలని కోరారు. కార్యక్రమంలో ఏఐఎస్ఎఫ్ నాయకులు ఫన్నీ అర్జున్, శిల్ప, కళ్యాణి, పవన్, రవి, స్రవంతి తదితరులు, విద్యార్థులు పాల్గొన్నారు.