చిన్నంబావి అభివృద్ధికి రూ.4 కోట్లు: మంత్రి జూపల్లి

ఎత్తిపోతల పథకం ద్వారా నీరు అందుబాటులోకి రావడంతో రైతులకు సాగునీటి ప్రయోజనం కలుగుతుందని మంత్రి తెలిపారు. రైతుల అవసరాలకు అనుగుణంగా నీటి సరఫరాపై అధికారులు ప్రత్యేక దృష్టి సారించాలని సూచించారు.

అనంతరం చిన్నంబావి మండల కేంద్రంలోని సంతలో మంత్రి కలియతిరిగి కూరగాయల వ్యాపారులను పలకరించి వారి సమస్యలను అడిగి తెలుసుకున్నారు. సంతకు వచ్చే వ్యాపారులు, ప్రజలకు అవసరమైన మౌలిక వసతులపై ఆరా తీశారు.

ప్రజలు, వ్యాపారుల సౌకర్యార్థం సంతలో 10 మొబైల్‌ టాయిలెట్లను త్వరితగతిన ఏర్పాటు చేయిస్తామని మంత్రి హామీ ఇచ్చారు. ఇందుకు సంబంధించిన పనులను ఆలస్యం చేయకుండా పూర్తి చేయాలని అధికారులను ఆదేశించారు.

చిన్నంబావి సర్కిల్‌ పరిధిలో అవసరమైన అభివృద్ధి పనులను చేపట్టేందుకు రూ.4 కోట్ల నిధులు విడుదల చేస్తామని మంత్రి ప్రకటించారు. ప్రజలకు అవసరమైన మౌలిక వసతులు కల్పించడంతో పాటు మండల సమగ్ర అభివృద్ధికి ప్రాధాన్యం ఇస్తామని జూపల్లి కృష్ణారావు తెలిపారు.