నాగర్‌కర్నూల్‌, ఆగస్టు 29: టీజీ ట్రాన్స్‌కో పరిధిలోని నాగర్‌కర్నూల్‌ 132 కేవీ సబ్‌స్టేషన్‌లో శనివారం మెయింటెనెన్స్‌ పనులు చేపట్టనున్నట్లు విద్యుత్‌ శాఖ అధికారులు తెలిపారు. ఈ పనుల కారణంగా బిజినపల్లి మండలంలోని అన్ని సబ్‌స్టేషన్ల పరిధిలో విద్యుత్‌ సరఫరాలో మార్పులు ఉంటాయని పేర్కొన్నారు.
ఉదయం 11 గంటల నుంచి మధ్యాహ్నం 3 గంటల వరకు సింగిల్‌ ఫేజ్‌ విద్యుత్‌ సరఫరా మాత్రమే అందుబాటులో ఉంటుందని అధికారులు వెల్లడించారు. దీంతో రైతులు, వ్యవసాయ వినియోగదారులు, ఇతర విద్యుత్‌ వినియోగదారులు ఈ విషయాన్ని గమనించి ముందస్తు జాగ్రత్తలు తీసుకోవాలని సూచించారు.
మెయింటెనెన్స్‌ పనులు పూర్తయిన అనంతరం నిలిపివేసిన త్రీఫేజ్‌ విద్యుత్‌ సరఫరాను తిరిగి పునరుద్ధరిస్తామని అధికారులు తెలిపారు. పనులు కొనసాగుతున్న సమయంలో వినియోగదారులు విద్యుత్‌ శాఖకు సహకరించాలని, తాత్కాలిక ఇబ్బందులను ఓర్పుతో భరించాలని కోరారు.
విద్యుత్‌ వ్యవస్థలో సాంకేతిక సమస్యలు తలెత్తకుండా, భవిష్యత్‌లో సరఫరాను మరింత మెరుగుపరిచేందుకు చేపడుతున్న మెయింటెనెన్స్‌ పనులకు రైతులు, వినియోగదారులు, ప్రజలు సహకరించాలని విద్యుత్‌ శాఖ అధికారులు విజ్ఞప్తి చేశారు.
కథనానికి సంబంధించిన ట్యాగ్‌లు (Tags):