నాగర్కర్నూల్: కాంగ్రెస్ ప్రభుత్వం 1000 రోజుల పాలనలో ఇచ్చిన హామీలను అమలు చేయడంలో విఫలమైందని ఆరోపిస్తూ బీఆర్‌ఎస్‌ ఆధ్వర్యంలో నాగర్కర్నూల్ జిల్లా కేంద్రంలో భారీ ధర్నా కార్యక్రమం నిర్వహించారు. మాజీ ఎమ్మెల్యే మర్రి జనార్దన్‌రెడ్డి ఆధ్వర్యంలో జరిగిన ఈ నిరసన కార్యక్రమంలో బీఆర్‌ఎస్‌ ముఖ్య నాయకులు, కార్యకర్తలు పెద్ద సంఖ్యలో పాల్గొన్నారు.
గాంధీ పార్క్‌ నుంచి అంబేద్కర్‌ చౌరస్తా వరకు బీఆర్‌ఎస్‌ శ్రేణులు నిరసన ప్రదర్శన నిర్వహించారు. కాంగ్రెస్ ప్రభుత్వం ఎన్నికల సమయంలో ప్రజలకు ఇచ్చిన ఆరు గ్యారంటీలు, 420 హామీలను పూర్తిస్థాయిలో అమలు చేయలేదని బీఆర్‌ఎస్‌ నాయకులు విమర్శించారు.
ప్రజలకు ఇచ్చిన హామీలను వెంటనే అమలు చేయాలని, ప్రభుత్వ వైఫల్యాలను ప్రజల్లోకి తీసుకెళ్లేందుకే ఈ నిరసన కార్యక్రమాన్ని చేపట్టినట్లు బీఆర్‌ఎస్‌ నాయకులు పేర్కొన్నారు. కాంగ్రెస్ పాలనపై ప్రజల్లో తీవ్ర అసంతృప్తి నెలకొందని వారు ఆరోపించారు.
మాజీ ఎమ్మెల్యే మర్రి జనార్దన్‌రెడ్డి పిలుపుతో నిర్వహించిన ఈ కార్యక్రమానికి బీఆర్‌ఎస్‌ నాయకులు, కార్యకర్తలు పెద్ద ఎత్తున తరలివచ్చి విజయవంతం చేశారు. కార్యక్రమంలో పలువురు పార్టీ ముఖ్య నాయకులు పాల్గొని కాంగ్రెస్ ప్రభుత్వ తీరుపై నిరసన వ్యక్తం చేశారు.
కథనానికి సంబంధించిన ట్యాగ్‌లు (Tags):
